Basler Fasnacht 2017

Dr näggscht Väärs isch e Loobgedicht iber e gwissen Erdogan.
Dr ainzig woori Demokrat, ganz ooni Gressewaan.
Wenn nur dänggsch, waas von em haltisch,
denn duet är dii nit gwääle.
Aaber wenn s nit fir di bhaltisch,
kaasch dyni Zälle sälber wääle.

D'Schlyychwäärbig


Darbellay und Löw die hänn `s glych Problem
Doch wie si`s löse, het jede si System
Wenn`s unde juckt, kratzt sich dr eint am Ei
Und dr andr liggt, halt zwüsche fremdi Bei

D' Laggaffe


Dr Somm schrybt sich in dr BaZ fascht d Finger wund
Är wott, dass Basel ändlig e rächti Regierig bikunnt
Fascht hätti dä Versuech Erfolg kenne haa
Laider het s kaine glääse kaa

Die Haiggle


Züri brucht e neue Name – und zwar ein mit Rasse
Sommerau – hän mir uns dänggt – würd prima zur Stadt basse
E Namenswäggsel isch ächt böimig und au no richtig schlau
Denn Züri isch im Winter scheisse – und im Sommer au

Bajass Omega


In Tschernobyl, bim AKW
Mir händ das am Fäärnsee gsee
Jetz isch dört e Deggel druff,
um d’Umwält vom Übel z’schütze
Mir sind sicher, so n’e Deggel, wurd au in Ziiri nütze

Blagèèri


Wenn am Säggsilyte d‘Zircher um dä Schneemaa ummeritte, denn hetts se paggt,
und s‘letscht Joor hett‘s däm Böög noch 3/4-Stund efang dr Grind verjagt.
Wenn ich dehai furt fahr, grieg ich au Schmärze im Kopf – je witer ewägg, je meh,
und dr Grind verjagt‘s mir denn, wenn ich d‘Ortsdaafele vo Ziri gseh.

D'Schnapsbagge

Statt em Toni luegt vom Blocher sine Knächte
E neue Preesi bi dr SVP zum Rächte
Mi Frau maint: „Röschti basst nit zu däm neue Pflogg:
Pfluddrig und lau, dä isch maximaal Häärdöpfelstogg“

Vermieter


Zwai Hegger, ai Mähne und Schaiche, vier,
Das isch doch e typisch Trumpeldier.
Kai Hegger, ai Mähne und e Schnuure draa,
Das isch e Kameel uss Amerika.


Der Beschtler het gsunge so lut er kaa:
Trari Trara, die Poscht isch da.
Und hitte singt d Chefin vo der Boscht - die Kueh:
Trari Tralidl, die Poscht isch zue!

Anggeweggemaitli



Si, kenne Si en Arztghaimnis bhalte? Jä do bin y aber froh
dr Dieter Behring isch mit 50 Kilo Übergwicht in d Praxis ko.
Y ha nem ä Diät verschriibe, won ä bitz länger goht:
5 Joor Kischte bi Wasser und Brot!

är isch kuum in dr Kischte saperlott
sin au d Wärter scho bangrott!


Si, nach em Abstieg vom FC Züri isch em Presidänt dr Bluetdruck explodiert
drum han ych dr Canepa mit Bluetegel therapiert.
Aber kai Bluetegel het, ych find’s verschisse
freywillig in dä Zürcher bisse!


Si, mi Gundula schwäbt sit Wuche in andere Sphäre
sit si sich nur no vegan tuet ernähre
doch jetzt weigeret si sich au no, dä Radiesli-Drache
Röntgebilder vo Niere und Läbere z mache.

Doggter FMH

Das waren die letzten Schnitzelbängge hier. Sie sind jetzt auch online zu hören, lesen.

Comité Schnitzelbängg www.schnitzelbankbasel.ch/Fasnacht_17/baengg_2017.html
BSG www.schnitzelbangg.ch/schnitzelbaenggler/
VSG vsgbasel.ch/wordpress/
Bängg fir Basel www.baengg-fir-basel.ch
Bebbi Bängg www.bebbi-baengg.ch
Comité 1914 www.comite1914.ch/schnitzelbaengg

Danke Feschtbrueder für die Schnitzelbängg.
Die waren sehr amüsant und unterhaltend.

Ich geniesse sie auch jedes Jahr.

Kaninchen auch Nichtsdestotrotz, es geht ganz gut