Schnitzelbängg

Zuerst einen für Kaninchen. In Hauchdeutsch.

Der FC Bayern war mein Leben - und wenn ich euch jetzt sage:
Für den Verein war ich gewichtig - nicht nur auf der Waage.
Jetzt sitz ich hier in meiner Zelle - quadratisch, kleine, dreckige.
Aber wie heisst es doch so schön - das Runde gehört ins Eckige.

Bajass Omega

Also fertig gschnurt ume heisse Brey:
Si göhn doch au go luege das "Fifty Shades of Grey".
Jo s'Kino Rex zeigt schyns als granggi Perversion.
Sogar e Fassig in Züüridütsch synchron.

Rollator Röösli

Die Gurlitt-Kunscht z'Bärn git Diskussione.
E Museumsbsuech deert duet sich lohne.
Bi de "Alte Meischter" hänggt im Saal,
näb Van Gogh, Rembrandt en YB-Schaal.

Ersatzbangg

Mir hänn e Drämmlifiehrer troffe, dää vom Achter.
Mir hänn ihn gfrogt, wie's ihm so goht, druffaabe lacht er.
Jä mir goht's super, jo dä Job dää isch voll geil,
ich fahr jetz jeede Daag e paar Mol «Basel-Weil».
Und immer an dr Ändstation, do bin-ich völlig griehrt:
Scho wieder e Laadig Schwoobe uss dr Schwyz in's Ussland gfiehrt.

S Bangg-Ghaimnis

Wäge däre dryssig-prozäntige Fraue-Quote
Han ich jetz e Probleem, kasch jo drei Mool roote
I bruuch e greesserei Wohnig, si längt nimm, mini glaini,
I bi soo viil Fraue nit gwoont, bis jetz han i numen aini

D Ständerlampe

Die herrschend Sproochverwilderig tuet me nimm aggzeptiere,
drum bietet d Volggshochschuel Kürs a -
zem sich richtig artigguliere.
No dr Schuelig riefsch nimm "Du Aarschgige",
denn bringsch e Fyyne, und saisch ganz gepflägt:
"Sie sin e Anal-Violine."

D Schnapsbagge