Gedichte

S git mänggmool so verlooreni Dääg,
so grau, so stumpf, so inhaltsläär -
Luff aim doch eppis iber e Wääg!
(Und wenn s dr Gäldbriefdrääger wäär -)

S isch duss nit wiescht und isch nit scheen,
kai Sunne schyynt und s räägned nit,
Und d Lyt, wo an eim duure geen,
sinn aim so wuurscht als eppis hit.

An soome Daag bigryff i s guet,
dass aine sich ergit im Suff,
wenn er nit eppis Schlimmers duet.
En andre hängt sogaar sich uff.

Zuem Gligg nimmt jeede Daag en Änd.
Morn bisch vilicht scho besser zwääg
und findsch das Lääben exelänt -
Was wottsch, s git männgmool halt so Dääg.

Emil Beurmann

Ein Gedicht des Schwarzbuben-Autors, Willy Ackermann. Als Schwarzbube würde ich manches anders schreiben, aber ich lasse es so, wie es geschrieben steht.

Wenn

Wenn ring s um s Dorf
dr Wald duet „roschte“
wenn d Buure achere
gö go moschte
wenn s duet glöggle
am Bärgli - dä Mulde
und wenn dr Herbscht
duet d Bäum vergulde
wenn usem Wald
duesch s Jagdhorn köre
wenn d Jaghüng Bissig
„s Wild düe schtöre“
isch gwüss dr Winter
nümme wit
är wartet - wit obe
bis-sy do isch
sy Zyt !

Gar nicht so einfach zum lesen aber die Schwarzbuben-Gedichte gefallen mir

Hab´ alles verstanden

Kaninchen schrieb: Hab´ alles verstanden

Da bin ich aber sehr froh. Es wäre nicht so einfach für mich ins Boarische zu übersetzen.